جينواز بالفواكه

بالنسبة للجنواز:
5 بيض 
قرصة ملح 
200 غ سكر 
200غ فرينة (طحين)
كيس خميرة كيميائية 
التزين : كريمة الشانتي 
فواكه عبارة عن تفاح احمر اناناس و كرز
للسيرو كاس كبير ماء + كاس صغير سكر+ فانيلا 
التحضير: في إناء ضعي البيض و قرصة الملح ضربي بالباتور واضيفي السكر والفاني شيئا فشيئا لما يتضاعف حجم الخليط و يصير لونه ابيض اضيفي الفرينا وحركي بملعقة او سباتيلا بشوية حذاري من التحريك بسرعة حتى لا يفسد الجينواز ضعي الخليط في مول والى فرن ساخن مسبقا مدة الطهي لا تتتجاوز 25 د لما تبرد الكيك اقسميه على 2 رشيه بالسيرو واحشيه بكريمة الشانتي و حبة موز مقطعة(اختياري) ثم ضعي النصف الاخر وزينيه حسب الرغبة 

حلوة وردة الرماااال

نشرحلكم الطريقة بالتفصيل
المقادير:
3 عبار فرينة + عبر زبدة + ماء زهر +لافاني +شوية ملح
الحشو:

رطل لوز او  كاوكاو(فول سوداني ) مرحي مايكونش خشين ارحيه رقيق+3 بيض+4مغارف سكر+مغرف صغيرة خمارة+4مغارف زبدة ضعي ملعقة صغيرة من الحشو في القوالب

للورود استعملت اوراق الديول 

التحضير :
ضعي الفرينة في اناء +الزبدة حكيها مليح بيدك +لافاني و الملح بعد ذلك لميها بالماء الزهر حتى تتحصلي على عجينة طرية خليها ترتاح شوية بعدها حليها بالحلال تكون رقيقة قطعيها دوائر وضعيها في قوالب الدزيريات.
خذي ورق الديول قطعيهم دوائر بكأس تاع الإنوكس ادهني الدوائر بالزبدة الذايبة و طبقيها على 2 ثم على 4
ضعي فوق الحشو أربع وردات من الديول اعيدي الدهن بالزبدة من الفوق
سخني الفرن مليح طفيه من الفوق و ادخلي الحلوة تاعك   حتى تنضج يكون لونها ذهبي بعد نزعها عسليها وزينيها بالملمع من الفوق وضعيها في ليكسات
وأي استفسار أنا جاهزة
نتمنى تجربوها 

ميل فاي

ميل فاي عملته البارح   
العجينة:
500 فرينة قرصة ملح ,شوية سكر , ماء بارد للعجن تحطو معاه مغر ف خل
و250 غ مارغرين توريق
الحشو: كريم باتسيار انا استعملته اجاهز
الفوندون 3 عبارات سكر + عبار ماء وقطرات ليمون خليهم فوق النار يغلو غلية وحدة وضربي بالباتور 
حتى يبياض الخليط كالحليب وسكبيه فوق الميل فاي ووووووزينيه بخطوط الشكولا
نبداو التوريق اولا نحلوا العجينة وتحطو المارغريين فالوسط ونطوها مثل رخصة السياقة ههههه
نخلو العجينة ترتاح 15 د ونفتحوها ثم نطو_ا طية مزدوجة تعملياها 3مرات او ربعة وكل مرة خليها ترتاح 10 الى 15 د

هاهي الصور و اليكم التعليق

مورانق من مطبخي

السلام عليكم ورحمة الله وبركاته 

 مورانق من مطبخي 

مما لاشك فيه ان حلوة المورانق محببة لدى الجميع صغار وكبار وانا واحدةممن يعشقون هاته الحلوة 

لدى اضع بين ايديكم اليوم اسهل و انجح طريقة لعملها على حمام مائي اخفقي بياض بيضتين مع رشة ملح ثم اضيفي 200غ سكر عادي وواصلي الخفق حتى يصبح ثقيلا وتذوب حبيبات السكر ابعديه عن النار وواصلي الخفق حتى يبرد تماما ويتماسك 

 شكليه واطهيه في فرن قليل الحرارة مدة طويلة حتى ينشف مليح 

 يمكنك اضافة الفاني ايضا او اي ملون 

جربـــــــــــــــــــــــــــــــــــــــــــوها 

السلام عليكم ومرحبا بكم welcome to My blog

مرحبا بكم اخواتي الكريمات في هذه المساحة يمكننا مناقشة كل الامور التي تهمكن حبيباتي انتظر منكن التفاعل مع المواضيع التي سأتطرق لها مع الايام ان شاء الله اتمنى ان تكون صحبة طيبة انتظروني في اول موضوع